christusfees

Nuwe media vir die bemarking van die Porterville Christusfees 2012

Porterville Christusfees — Wed, 14 Dec 2011 19:47:16 +0000

Die Weslander skryf oor die Porterville Christusfees!

Porterville Christusfees — Sat, 29 Oct 2011 12:45:40 +0000

Lees wat die Weslander koerant te se het oor die Porterville Christusfees:

http://www.weslander.co.za/7036/news/article/sesde-christusfees-reuse-sukses

Ronel Bakker skryf weekliks vir ons ‘n artikel oor die opkomende Christusfees.

Porterville Christusfees — Fri, 09 Sep 2011 15:00:24 +0000

Elke dorpie, elke Stad en elke kontrei het deesdae sy eie fees. Stellenbosch pronk met ‘n Woordfees, Franschoek is bekend vir die Bastille Dag Fees. Pragtige Riebeeck Vallei hou elke jaar vir 4 dae lank Olyffees terwyl Koringberg Broodfees vier. Dan praat ek nie eers van Oppiekoppie, KKNK en die Grahamstad Kunstefees nie. Elke Afrikaanse sanger word geroep, wat ookal die genre. Daar word ge-rock, daar word ge-cabaret en daar word sommer meestal in mainstream Afrikaans gekuier. Ek kan voortgaan op die trant en feeste opnoem totdat dit letterlik by Porterville se hoofstraat afloop, maar ek sal ons Geliefste dorp dit eerder spaar!

Ses Jaar gelede het die plaaslike gemeenskap van Porterville koppe bymekaar gesit en met die Christusfees vorendag gekom. Soos enige instelling wat sy sout werd is, het die Christusfees homself jaar op jaar bewys en gegroei tot waar ons vandag staan; presies een maand voor die volgende makietie. Verlede jaar het talle feesgangers ons dorp binnegestroom en na drie dae van goeie geselskap, puik musiek en behoorlike vermaak het hulle aan die brand en opgewonde, hier weegegaan.

Hoerskool Porterville se Sportgronde word omskep in ‘n Mind-Blowing stadium met ‘n Super Stage – klanktoerusting, kunstenaars en vermaak wat vir niks of niemand terugstaan nie. Nedine Blom, Karolus en Lente, Louis Britz en Prophet is al deel van die meublement, of sal ek eerder se; deel van die Party, want ‘n statiese affere is die Fees beslis nie. As jy nou al ooit van Jubel gehoor het, dan is dit by ons einste Christusfees!

Maar dis nie al nie. Ons sorg dat daar elke jaar nuwe gewilde kunstenaars optree. Een baie groot en gewilde naam in Gospel musiek is dan ook natuurlik Juanita du Plessis, en raai wat!? Jip – JUANITA TREE OP BY DIE 2011 CHRISTUSFEES! Hou dus die webblad dop vir al die nuus, gebeure en verrassings om en rondom die Christusfees. 7 – 9 Oktober 2011.

Sien jou Binnekort!

Lees meer oor die skrywer van hierdie artikel – Ronel Bakker:

http://delikadent.wordpress.com/

Al die nuuste nuus oor die Porterville Christusfees.

Porterville Christusfees — Wed, 31 Aug 2011 16:42:02 +0000

Kry jou kaartjies nou!!

Kinderprogram vir die Porterville Christusfees

Porterville Christusfees — Mon, 01 Aug 2011 16:39:15 +0000

Saterdag 8 Oktober gaan vol pret wees vir die kinders by die Porterville Christusfees.

Twee wonderlike kinderoptreedes vind plaas by die Christusfees hierdie jaar.

Willie en die Wenspan:

Vir meer inligting oor Willie: kliek hier

Willie tree op 16h00 – 17h00 by die Porterville Skoolgronde.

Nedine Blom:

Nedine Blom tree op 17h00 – 18h00 by die Porterville Skoolgronde.

Vir meer inligting oor Nedine Blom: Kliek hier

http://www.christusfees.co.za/

Busse vanaf die Kaap na die Porterville Christusfees.

Porterville Christusfees — Sat, 30 Jul 2011 09:37:42 +0000

Kom ry saam in luukse busse vanaf die Kaap vir ‘n dagtoer Porterville Christusfees toe. Geniet die dag met optreedes van Juanita du Plessis, Riana van Wyk, Franscois Louw, Nedine Blom, Louis Brittz, Julius Megan en vele meer.

www.christusfees.co.za

Profiel van Prophet

Porterville Christusfees — Mon, 25 Jul 2011 14:52:44 +0000

Profiel van Prophet

Prophet - Koos van der Merwe, Theo Geyser

Koos van der Merwe en Theo Geyser is vir die afgelope 24 jaar die twee lede van die sanggroep, Prophet. Prophet is reeds sewe keer bekroon met ATKV Liertoekennings is benoem vir die South African Music Awards.

Koos is sedert 1983 in die bediening en is tans leraar van Eden Gemeente in George en Theo is leraar in Stellenbosch Gemeente. Theo het ook ’n jaar terug ’n gemeente geplant in Groepunt en ’n maand gelede in Oranjezicht wat as InVia (oppad) bekend staan. Binnekort is daar ook ’n InVia in Somerset Wes. Beide is lief vir die akademie en het doktorsgrade. Meer inligting

Onthou om op die program te kyk wanneer Prophet optree by die Porterville Christusfees in Oktober. Program

Profiel van Juanita du Plessis, een van die kunstenaars wat by die Porterville Christusfees gaan optree.

Porterville Christusfees — Mon, 18 Jul 2011 18:02:04 +0000

JUANITA DU PLESSIS (website)

In 1998 het haar sangloopbaan met alle erns begin – met haar debuutalbum Juanita. Daardie jaar wen sy die CMA (Country Music Association in Namibië) se toekennings as die beste sangeres, die beste liedjieskrywer en dié vereniging se president toekenning vir uitsonderlike prestasie. In daardie stadium was Juanita toe al lid van Jupidu, saam met haar man, Doepie, haar broer Pieter, en hul vriend Rennie Strauss. Jupidu was uiters gewild by Namibiërs, maar haar reeks toekennings en ‘n bedrywige naweekdagboek was nie vir Juanita genoeg nie. Sy het toe al geweet haar liedjies is stérk genoeg. Sy het bloot aanhou skryf, met die wete ‘n nuwe album sou haar die deurbraak besorg waarop sy wag. Maar sy het nie geld daarvoor gehad nie.

Gelukkig het baie invloedryke mense haar talent geëien en sy kon genoeg borge werf om ‘n CD op te neem. Die album Ek en Jy is gebore – met Ska-Rumba as ‘n bonussnit… In 2000 onderhandel sy en die platebaas Pierre van der Westhuizen van Maroela-Musiek. Pierre het onmiddellik geweet Juanita kán …

Hy’t haar ‘n platekontrak aangebied en die album ook in Suid-Afrika uitgereik. In 2001 bereik die album dubbelplatinumstatus (met verkope van oor die 100 000) en sy wen twee SABC2-Geraas toekennings: album van die jaar en liedjie van die jaar: Ska-Rumba. In 2002 word haar derde album, Dis Waar Ek Wil Wees (met die treffer Patayo) uitgereik, en Juanita se drome word die een na die ander bewaarheid. Haar dagboek is vol en al haar albums vorentoe bereik minstens platinumstatus; die meeste dubbelplatinum. Sy skep die een treffer album na die ander. Van die dubbelalbum Jy Is… (met ‘n bonus-CD waarop sy Pussycat se musiek sing) lewer die treffer Lepellê op in 2003. En Juanita word die eerste Afrikaanse sangeres wat die eerste plek op RSG se amptelike Top 20-treffersparade haal en drie weke agtereenvolgens boaan bly!

In die volgende vyf jaar verander die Meisie van Suidwes se lewe drasties. Die Du Plessis-gesin moet ‘n moeilike besluit neem, van hul geliefde moederland afskeid neem, Suid-Afrika toe verhuis en ‘n vesting in Pretoria vind. Met nog drie sekulêre albums – Bly By My, Jou Skaduwee en Volmaakte Kring, die gospelalbums Altyd Daar en Vlieg Hoog en die DVD’s In Konsert, Altyd Daar: Live op Aanvraag en Bring Jou Hart (in konsertduet met Theuns Jordaan) herskryf sy weer die Suid-Afrikaanse musiekrekordboek en behaal verkope wat die miljoenkerf verbysteek.

Elke noemenswaardige musiektoekenning is al aan haar toegeken …

TOEKENNINGS DIE AFGELOPE 10 JAAR:

1994 - Liedjieskryfkompetisie in Namibië / Drie van haar komposisies eindig in die Top 10
1997 - CMA Awards / Beste sangeres / Beste liedjieskrywer
1998 - CMA Awards / Beste sangeres / Beste liedjieskrywer / Spesiale presidentsverering vir musikale uitblinkery
2001 - GMT Geraas-musiektoekennings / Liedjie van die jaar: Ska-Rumba / Album van die jaar: Ek en Jy
2005 - Huisgenoot Tempo-toekennings / Gunsteling-sangeres / Stylvolste sangeres
2006 - Huisgenoot Tempo-toekennings / Gunsteling-sangeres / Stylvolste sangeres
2006 - Vonk-toekennings / Beste sangeres van die jaar
2007 - Huisgenoot Tempo-toekennings / Gunsteling-sangeres / Gunsteling-DVD: Altyd Daar Live op Aanvraag / Gunsteling-gospelalbum: Vlieg Hoog / Gunsteling-gospelkunstenaar
2007 - Vonk-toekennings / Beste sangeres van die jaar / Beste album deur ‘n sangeres van die jaar
2008 - Kanna-toekenning / Bring Jou Hart: (saam met Theuns Jordaan: die beste produksie by Die Musiekplaas: KKNK
2008 - Sama-benoemings / Popalbum van die jaar: Volmaakte Kring / Afrikaanse gospelalbum van die jaar: Vlieg Hoog / Liedjie van die jaar: Vlieg Hoog
2008 - Huisgenoot tempo-toekennings / Gunsteling-sangeres / Gunsteling-DVD: Bring Jou Hart (in konsert met Theuns Jordaan) / Gunstelingliedjie: Mengelmoeskardoes / Beste verkoper
2008 - Vonk-toekennings / Grootste verkoper van die jaar / Beste vroulike kunstenaar

10 JAAR SE HOOGTEPUNTE

“Daar is soveel hoogtepunte … Om net 10 te kies, is baie moeilik!” sê Juanita. Elke “eerste” van alles was ‘n hoogtepunt: 1ste goue album, 1ste platinum album, 1ste dubbelplatinumalbum, 1ste Noot vir Noot, 1ste Skouspel, eerste voorblad …

Juanita kies haar Top 10

1.         Eerste goue album (2001: Ek en Jy)
2.         Eerste Huisgenoot Skouspel (2002)
3.         Eerste nr 1-plek op die SA Top 20 (2003: Jy Is). Sy was die eerste vroue-kunstenaar wat dit kon regkry!
4.         Eerste tydskrifvoorblad (2002, Keur, saam met Kurt Darren)
5.         Eerste Noot vir Noot-optrede (2001)
6.         Haar ontmoeting met Joyce Meyer en die optrede by haar konferensie in Johannesburg (2007)
7.         Albumverkope wat die eenmiljoenkerf tref! (2008)
8.         Die album Vlieg Hoog word die grootste gospelalbumverkoper nóg in Suid-Afrika; oor die 140 000 eenhede (2008)
9.         Die optrede by Loftus vir Jesus – met ‘n skare van oor die 72 000 mense
10.       Die album Volmaakte Kring – wat binne twee weke ná uitreiking dubbelplatinumstatus bereik het; ‘n eie beste prestasie.

Naas die talle TV-programme – Pasella (in 2000), Stoute Boude, Belboks, Wie is wie? DKNT, Geraas, Noot vir Noot, Liriekeraai, Egoli, Houtkruis, Kwêla, Fiesta, Binnelanders, Ontbytsake, Villa Rosa, Dis Hoe Dit Is en Sweepslag – waarin sy opgetree het, het Juanita ook haar slag as aanbieder ten toon gestel: Mitshubishi 4×4-plesier (2002) en KykNet Country (2008).

2008 – GESEËNDE, ROEMRYKE DANKBAARHEID

Juanita sê sy het nog baie wense, maar haar grootste wens is dat wanneer sy die dag voor Jesus staan, Hy haar in Sy arms sal vou en sê: “Welgedaan, my kosbare dogter … Ek is trots op jou! Jy het al jou opdragte getrou uitgevoer en alles gedoen waarvoor ek jou gestuur het. Welkom tuis …”

Sy vlieg steeds hoër!

CHRISTIAAN J DE SWARDT – MUSIEKJOERNALIS EN RESENSENT – 8 November 2008

Draf vir Bybels

Porterville Christusfees — Fri, 15 Jul 2011 08:12:49 +0000

DRAF VIR BYBELS by die Porterville Christusfees.

Kom geniet die vars oggendlug en skilderagtige roete aan die voet van die Olifantsberge !!
ALLE WINSTE VIR BYBELVERSPREIDING – Saterdag 8 Oktober 2011

10km Padwedloop begin 6h30

5km Pretdraf begin 6h45 (Stappers welkom)

Inskrywings: Oggend van die wedloop (5h00 – 6h15)

Inskrywingsfooi:

10km – R25

5km – R10

Begin en eindig: Porterville Gholfklub

Medalje vir elkeen wat wedloop voltooi. Pryse vir eestse drie mans en vroue.

Navrae: Polla Cruywagen 083 318 6592

Epos: paul@louwcronje.co.za

Kyk gerus op die website vir meer inligting: http://www.christusfees.co.za/

Porterville Christusfees — Sat, 09 Jul 2011 10:24:36 +0000

Porterville Christusfees – a gospel music festival with a difference!

Porterville Christusfees 2011
7-9 October…

Adoos

Posting the Christusfees on the web has been such fun – I hope many, many people see it!